Ehya Bhojpuri
hain mere zaḳhm ki ra.ana.iyan ajib-o-gharib
ki us ko chahiye gahra.iyan ajib-o-gharib
ye kis ka zor hai mere charagh ki lau par
bana raha hai jo parchha.iyan ajib-o-gharib
hamare ḳhvab ki galiyon se kaun guzra hai
ki aa rahi hain ye angḌa.iyan ajib-o-gharib
nazar utarti hai vaqt vaqt par meri
mili hai maaon ko bina.iyan ajib-o-gharib
jala.e meri hi cigarette miri ayadat par
ye mera dost bhi hai ka.iyan ajib-o-gharib
Leave a Reply