Poet
har marg-e-arzu ka nishan der tak raha
jab sham.a gul hui to dhuan der tak raha
vo vaqt-ha-e-su-e-haram jab chale the ham
daman-kash ḳhayal-e-butan der tak raha
kaliyan udaas phuul fasurda saba ḳhamosh
ab ke chaman pe rang-e-ḳhizan der tak raha
muddat guzar chuki pa ḳhusha lazzat-e-visal
har mah-vash pe us ka guman der tak raha
dar-o-rasan ka zikr chhiḌa jab bhi dosto
ankhon men ek sarv-e-ravan der tak raha
divane ko to apna bhi rahta nahin hai hosh
ik naam phir bhi vird-e-zaban der tak raha
Leave a Reply