Chander Wahid
lamha vo teri yaad ka aise guzar gaya
jaise ki phuul shaḳh se TuuTa bikhar gaya
kal chhanv mil sakegi sabhi ko ye soch kar
jis ne laga.e peḌ vo buḌha kidhar gaya
jo pattharon ke badle men deta tha phal mujhe
daur-e-ḳhizan bata tu kahan vo shajar gaya
qaa.em hai dil men aaj bhi uḌne ka hausla
sayyad-e-vaqt laakh mire par katar gaya
dhaḌkan suna.i deti thi har ek lafz men
kya jaane sha.iri se kahan vo hunar gaya
Leave a Reply