un ki god men sar rakh kar jab aansu aansu roya tha
kuchh lamhe guzre vo lamha meri ankhon se guzra tha
ai saTan ke niile pardo tum par ye kis ka saaya hai
kya mujh ko kuchh vahm hua hai ya sach-much koi aaya tha
jaise darvaza va kar ke nikla hai koi kamre se
jaise ik do lamhe guzre sofe par koi baiTha tha
sach sach kahna ai divaro ai tasviro jhuuT na bolo
aḳhir hai tu us kamre men jis ne us ka naam liya tha
tum to kuchh aise bhuul ga.e ho jaise kabhi vaqif hi nahin the
aur jo yunhi karna tha sahab kis liye itna pyaar kiya tha
aaj to sarson ka pila-pan agni bharta hai tan man men
ek samay tha jab yahi mausam khet khet pyara lagta tha
ek purane giit ki dhun ne guzri yaden yaad dila diin
daman ko ashkon se bhigo.e ek zamana biit chala tha
Leave a Reply