Sufi Tabassum
agarche aankh bahut shoḳhiyon ki zad men rahi
miri nigah hamesha adab ki had men rahi
samajh saka na koi zindagi ki arzish ko
ye jins-e-ḳhas trazu-e-nek-o-bad men rahi
bahut buland hua tamkanat se taj-e-shahi
kulah-e-faqr magar nazish-e-namad men rahi
hamesha dard se aari raha ye zahid-e-ḳhushk
ye na.ash zinda sada gosha-e-lahad men rahi
dilon men baiTh gaya barhaman ka husn-e-bayan
hadis-e-shaiḳh tilismat-e-radd-o-kad men rahi
Leave a Reply