basti tamam khvab ki viran ho gai
yuun khatm shab hui sahar asan ho gai
be-fikr ho gaya huun dil-o-jan se is liye
us ki nigah-e-naz nigahban ho gai
hai martaba buland sitaron se ai falak
mera nasib khak-e-khurasan ho gai
shaffaf tha ye shisha-e-dil us ke samne
bijli kadak ke aap hi hairan ho gai
uljha hua tha ishq men pahle hi na-murad
nagah rukh pe zulf pareshan ho gai
Leave a Reply