Poet
chaah kar ham us pari-ru ko jo divane hue
dost dushman ho gae aur apne begane hue
phir nae sar se ye ji men hai ki dil ko dhundiye
khaak kuche ki tire muddat hui chhane hue
tha jahan mai-khana barpa us jagah masjid bani
tuut kar masjid ko phir dekha to but-khane hue
hai ye duniya ja-e-ibrat khaak se insan ki
ban gae kitne subu kitne hi paimane hue
aql-o-hosh apne ka ‘rangin’ ho gaya sab aur rang
kishvar-e-dil men jab aa kar ishq ke thane hue
Leave a Reply