baḌi haveli ke taqsim jab ujale hue
jo be-charagh the vo bhi charagh vaale hue
na a.inon ko ḳhabar thi na dast-e-vahshat ko
kahan girenge ye patthar jo hain uchhale hue
jo taḳht-o-taj pe tanqid karte phirte hain
ye saare log hain darbar se nikale hue
phir aaj bhuuk hamara shikar kar legi
ki raat ho ga.i dariya men jaal Daale hue
unhen ḳhabar hi nahin sar nahin hain shanon par
jo apne hathon men dastar hain sambhale hue
vo log bhi to kinaron pe aa ke Duub ga.e
jo kah rahe the samundar hain sab khangale hue
kisi ke aane pe ab taliyon ka shor kahan
vo haar suukh chuke hain gale men Daale hue
Leave a Reply