Kuchh Din Se Intizar-E-Sawal-E-Digar Mein Hai

kuchh din se intizar-e-saval-e-digar men hai

vo muzmahil haya jo kisi ki nazar men hai

sikhi yahin mire dil-e-kafir ne bandagi

rabb-e-karim hai tu tiri rahguzar men hai

maazi men jo maza miri sham-o-sahar men tha

ab vo faqat tasavvur-e-sham-o-sahar men hai

kya jaane kis ko kis se hai ab daad ki talab

vo gham jo mere dil men hai teri nazar men hai

Leave a Comment