phir mire sar pe kaḌi dhuup ki bauchhar giri
main jahan ja ke chhupa tha vahin divar giri
log qiston men mujhe qatl karenge shayad
sab se pahle miri avaz pe talvar giri
aur kuchh der miri aas na TuuTi hoti
aḳhiri mauj thi jab haath se patvar giri
agle vaqton men sunenge dar-o-divar mujhe
meri har chiḳh mire ahd ke us paar giri
ḳhud ko ab gard ke tufan se bachao ‘qaisar’
tum bahut ḳhush the ki ham-sa.e ki divar giri
Leave a Reply