Hum to Hain Aasman Ke KHasare Zamin Par

ham to haiñ āsmāñ ke ḳhasāre zamīn par

bichhḌe hue haiñ is pe hamāre zamīn par

sūrat milī na yaar milā ḳhākiyoñ ke biich

rahte haiñ ham ghaTā ke sahāre zamīn par

vo zulf shaam ḳhvāb ye cigarette dhuāñ sharāb

baaqī baḌe ḳharāb nazāre zamīn par

kis se karegā peḌ kaTī baañh kā gilā

koī nahīñ hai jis ko pukāre zamīn par

jal kar bujhe charāġh yahī pūchhte mare

kyā ham haiñ is zamīñ ke sitāre zamīn par

Leave a Comment