Arshad Abdul Hamid
koi bhi shai ho miyan jaan se pyari kise hai
jaan haari hai to ye dekhiye haari kise hai
kornish gul ko kare kaliyon ko adab kahe
hosh ye mamlikat-e-bad-e-bahari kise hai
dil bhi bas ek namuna hai ki duniya pe miTa
nazr zeba thi kise aur guzari kise hai
ek khunTe se bandhe dasht-o-daman dekhe hain
ab mayassar ram-e-ahu-e-tatari kise hai
uḌ chalo muntaḳhab-e-ḳhas hain us ke ham log
varna hasil ye tamanna ki savari kise hai
ik sitare ke liye sar falak karta huun
dosto fursat-e-sayyara-shikari kise hai
Leave a Reply