Habib Jalib
vatan ko kuchh nahin ḳhatra nizam-e-zar hai ḳhatre men
haqiqat men jo rahzan hai vahi rahbar hai ḳhatre men
jo baiTha hai saf-e-matam bichha.e marg-e-zulmat par
vo nauhagar hai ḳhatre men vo danish-var hai ḳhatre men
agar tashvish lahaq hai to sultanon ko lahaq hai
na tera ghar hai ḳhatre men na mera ghar hai ḳhatre men
jahan ‘iqbal’ bhi nazr-e-ḳhat-e-tansiḳh ho ‘jalib’
vahan tujh ko shikayat hai tira jauhar hai ḳhatre men
Leave a Reply