ta.alluqat chaTaḳhte hain TuuT jaate hain
jab ham ḳhulus-o-mohabbat ko azmate hain
ḳhushi ka ek naya zaviya ubharta hai
ham apne bachchon se jis vaqt haar jaate hain
shaghaf hai ḳhuub rivayat-e-raftagan se magar
ham ahd-e-nau ke tarane bhi gungunate hain
udaas shab bhi amavas ki muskurati hai
jo qumqume se nigahon men jagmagate hain
hamare biich jo divar uTh rahi hai ‘shifa’
chalo ki mil ke use aaj ham girate hain
Leave a Reply