Kishwar Naheed
talash dariya ki thi ba-zahir sarab dekha
vo kaun ankhen thiin jin ki khatir ye khvab dekha
jo rut bhi aae hamin se girya ka rizq mange
hamari surat kise zamin intikhab dekha
nadamaten bahte ansuon se sharh na paaen
safina apni dua ka maqtal rikab dekha
barasti ankhon se sukhe talab bhar na paaen
ye gham ka dariya misal-e-qarz-e-sahab dekha
kabhi to ankhon men un ki abadiyan khilengi
vo bastiyan umr bhar jinhen zer-e-ab dekha
abhi to bakhiya-gari ko sozan hi kaam aae
hina ki dahliz pe tulu-e-hijab dekha
yaqin ki tishna-labi muqaddar raqam rahegi
vufur-e-dariya bhi misl-e-dariya-e-khvab dekha
jata gaya saari adaten bas gale se lag ke
us ek anjum ko chandni ke hisab dekha
khayal us ke badan ki galiyon ko dhundta hai
vo jis ko dekha to hairaton ko naqab dekha
Leave a Reply