auron ka hai payam aur mera payam aur hai
ishq ke dard-mand ka tarz-e-kalam aur hai
tair-e-zer-e-dam ke naale to san chuke ho tum
ye bhi suno ki nala-e-tair-e-bam aur hai
aati thi koh se sada raz-e-hayat hai sakun
kahta tha mor na-tavan lutf-e-khiram aur hai
jazb-e-haram se hai farogh anjuman hijaz ka
us ka maqam aur hai us ka nizam aur hai
maut hai aish-e-javedan zauq-e-talab agar na ho
gardish-e-admi hai aur gardish-e-jam aur hai
sham-e-sahar ye kah gai soz hai zindagi ka saaz
gham-kada-e-numud men shart-e-davam aur hai
baada hai nim-ras abhi shauq hai na-rasa abhi
rahne do khum ke sar pe tum khisht-e-kalisiya abhi
Leave a Reply