Rasheed Qaisrani
jab raat ke siine men utarna hai to yaaro
behtar hai kisi chand ko shishe men utaro
divar pighalti hai jhulas jaate hain saa.e
ye dhuup nigahon ki bahut tez hai yaaro
parchha.iyan pujenge kahan tak ye pujari
apnao koi jism koi ruup to dharo
ḳhud ahl-e-qalam is men ka.i rang bharenge
tum zehn ke parde pe koi naqsh ubharo
tum vaqt ki dahliz pe dam toḌ rahe ho
main bhagta lamha huun mujhe tum na pukaro
halat ye kahte hain ki tum zinda rahoge
palkon pe larazte hue ḳhush-baḳht sitaro
Leave a Reply