Poet
duniya ḳhayal-o-ḳhvab hai meri nigah men
abad sab ḳharab hai meri nigah men
bahti phire hai umar talatum men dahr ke
insan juun hubab hai meri nigah men
main bahr-e-gham ko dekh liya na-ḳhuda ba-ru
kashti na ho pa aab hai meri nigah men
chhuTa huun jab se shaiḳh ta.ayyun ki qaid se
har zarra aftab hai meri nigah men
tum kaif men sharab ke kahte ho jis ko dil
bhuna hua kabab hai meri nigah men
kyuun khinchte ho tegh kamar se che-fa.eda
muddat se is ki aab hai meri nigah men
‘hatim’ tu is jahan ki lazzat par na bhuul
ye pa-e-dar-rikab hai meri nigah men
Leave a Reply