rahna har dam bujha bujha sa kuchh
ho gaya dil ka mashghala sa kuchh
teri zulfon ka meri vahshat ka
milta-julta hai silsila sa kuchh
ham se milne ko ik zamana mila
tera milna tha saneha sa kuchh
aisa ujḌa sanam-kada dil ka
ho gaya ḳhana-e-ḳhuda sa kuchh
dil ke sahra men aa nikalta hai
ab bhi koi gurez-pa sa kuchh
lutf-e-divangi nahin aaya
bazm men log the shanasa kuchh
Leave a Reply