Shohrat Bukhari
jab manzilon vahm tha na shab ka
main nikla hua huun ghar se tab ka
jis shahr men bas rahe the ham tum
vo shahr ujaḌ chuka hai kab ka
thi pahle ajab juda.i un ki
ab ḳhud se firaq hai ghazab ka
ai mahv-e-tilism-e-roz-e-raushan
darpesh abhi safar hai shab ka
har gul se bhaḌak rahe hain sho.ale
ye ahd magar hai bu-lahab ka
tum kaahe ko akaḌ rahe ho tanha
‘shohrat’ ye muamla hai sab ka
Leave a Reply