Ejaz Ansari
bichhaḌ ke tujh se mujhe dukh to hai malal to hai
magar ye pyaar nibhana bhi ik kamal to hai
karam sahi na sahi ab tire sitam hi sahi
yahi bahut hai ki tujh ko mira ḳhayal to hai
main is ḳhayal se shohrat se duur rahta huun
uruuj kitna bhi ho ek din zaval to hai
main bujh gaya huun zamane ki andhiy.on se magar
mira vajud sulagta hua saval to hai
na chaah kar bhi mira zikr karte rahte hain
muḳhalifon men ye ḳhubi to hai kamal to hai
main mutma.in huun buzurgon se rabta rakh kar
juḌa hua mire maazi se mera haal to hai
za.iif baap ka saaya bhi kam nahin ‘ejaz’
mahaz-e-zist men ye naam ek Dhaal to hai
Leave a Reply