dard ki aag bujha do ki abhi vaqt nahin
zakhm-e-dil jaag sake nashtar-e-gham raqs kare
jo bhi sanson men ghula hai use uryan na karo
chup bhi shola hai magar koi na ilzam dhare
aise ilzam ki khud apne tarashe hue but
jazba-e-kavish-e-khaliq ko nigun-sar karen
mu-qalam halqa-e-abru ko bana de khanjar
lafz nauhon men raqam madh-e-rukh-e-yar karen
raqs-e-mina se uthe naghma-e-raqs-e-bismil
saaz khud apne mughanni ko gunahgar karen
marham-e-ashk nahin zakhm-e-talab ka chara
khuun bhi roo.ge to kis khaak ki saj-dhaj hogi
kanpte hathon se tuuti hui buniyadon par
jo bhi divar uthaoge vahi kaj hogi
koi patthar ho ki naghma koi paikar ho ki rang
jo bhi tasvir banaoge apahaj hogi
Leave a Reply