Poet
o chashm-e-kaif-parvar mai-ḳhana-e-mohabbat
labrez-e-ranj-o-gham hai paimana-e-mohabbat
be-dard be-muravvat begana-e-mohabbat
ik din suna to hota afsana-e-mohabbat
ummid-var-e-dil ko yuun toḌta hai koi
ai dost bas na Thukra nazrana-e-mohabbat
maana ki ik ada hai sabr-azma tajahul
taham na is qadar ban begana-e-mohabbat
phir DhunDhta hai ‘kaukab’ vo rang-e-mai-gusari
saaqi ki har nazar ho paimana-e-mohabbat
Leave a Reply