ainuddin-azim

Tahi-daman Barhana-Pa Rawana Ho Gaya Hun

tahi-daman barhana-pa ravana ho gaya huun

tabahi chal tire shana-ba-shana ho gaya huun

tiri raftar par qurban ja.un ai taraqqi

main apne ahd men guzra zamana ho gaya huun

mere atraf rahta hai hujum-e-na-muradi

jabin-e-na-rasa men astana ho gaya huun

hava ki taan par gaate hain mujh ko ḳhushk patte

main har TuuTe hue dil ka tarana ho gaya huun

miri miTTi men ab meri haqiqat dhundhti hai

main duniya ke liye jab se fasana ho gaya huun

mira bhi tazkira hone laga danishvaron men

to kya phir main bhi ‘azim’ kuchh divana ho gaya huun

More Poems

Leave a Comment