har ik mausam ki niyyat janti hain
hava ke Dar se shakhen kanpti hain
koi un ka bhi aa kar haath roke
vo yaden jo dilon ko katti hain
mujhe hai bad-dua shayad kisi ki
miri ankhon se ninden bhagti hain
badan men sarsarati hai khamoshi
ragon men vahshaten si nachti hain
ajab si kaifiyat hai bebasi ki
main so jaun to ankhen jagti hain
janazon par janaze uth rahe hain
sabhi maaon ki ruhen kanpti hain