Ku-Ruswai Se uTh Kar Dar Tak Tanha Gaya

Hasan Naim

ku-e-rusva.i se uTh kar daar tak tanha gaya

mujh se jite-ji na daman ḳhvab ka chhoḌa gaya

kya bisat-e-ḳhar-o-ḳhas thi phir bhi yuun shab-bhar jale

dosh par bad-e-sahar ke duur tak sho.ala gaya

ruuh ka lamba safar hai ek bhi insan ka qurb

main chala barson to un tak jism ka saaya gaya

kis ko be-gard-e-masafat shauq ki manzil mili

naghma-gar ki ḳhalvaton tak bar-ha naghma gaya

kaun mujh ko DhunDhta tha kuchh pata chalta nahin

bazm-e-ḳhuban men hazaron baar main aaya gaya

ham vo sha.er ki sunate hain surud-e-jan ‘hasan’

ek bhi sho.ala-nafas mahfil men gar dekha gaya

mil ga.e jab nira-dishvar dasht-e-ghurbat men ‘na.im’

ik naya rishta azimabad se joḌa gaya