Poet
pad gai dil men tire tashrif farmane men dhuum
baagh men machti hai jaise fasl-e-gul aane men dhuum
teri ankhon ne nashe men is tarah maara hai josh
dalte hain jis tarah bad-mast mai-khane men dhuum
chand ke partav se juun paani men ho jalve ka hashr
tere munh ke aks ne daali hai paimane men dhuum
abr jaise mast ko shorish men laave dil ke beach
mach gai ik baar un balon ke khul jaane men dhuum
bu-e-mai aati hai munh se juun kali se bu-e-gul
kyuun ‘yaqin’ se jaan karte ho mukar jaane men dhuum
Leave a Reply