Obaid Siddiqi
honT khulen to nikle vaah
duniya ek tamasha-gah
rashk-e-falak hai ye basti
har chehra hai mahr o maah
ab ke haath vo khela hai
daanv par hain izz-o-jah
rang bahut se aur bhi hain
har shai kab hai safed o siyah
saath kisi ko chalna hai
suujh ga.i hai mujh ko raah
ab ke bahar ki yurish hai
gul-buTe hain us ki sipah
pagal hain jo sahra se
maang rahe hain aab o giyah
kaam hazaron karne hain
kya kya rakkhen pesh-e-nigah
us ki aamad aamad hai
dil ankhen hain chashm-ba-rah
garmi si ye garmi hai
maang rahe hain log panah
Leave a Reply