bichhaD Gaya Hai Kahan Kaun Kuchh Pata Hi Nahin

bichhaḌ gayā hai kahāñ kaun kuchh pata hī nahīñ

safar meñ jaise koī apne saath thā hī nahīñ

kisī se rabt baḌhā.eñ tū mat ḳhafā honā

ki dil meñ ab tirī yādoñ kā silsila hī nahīñ

sab apne apne masīhā ke intizār meñ haiñ

kisī kā jaise zamāne meñ ab ḳhudā hī nahīñ

ik umr kaT ga.ī kāġhaz siyāh karte hue

qalam ko apne jo likhnā thā vo likhā hī nahīñ

‘qamar’ vo shaḳhs hamāre nagar meñ kyā aayā

butoñ ko bhī hai gila koī pūjtā hī nahīñ

Leave a Comment