Sadiya Safdar Saadi
durun-e-chashm har ik ḳhvab mar raha hai bas
hamare paas yahi aj-kal bacha hai bas
tiri talab thi zamana tujhe zamana mila
miri talab thi ḳhuda so mira ḳhuda hai bas
udaas hai na kisi se hua hai jhagḌa koi
baḌe dinon se yunhi dil dukha hua hai bas
jahan pe chaho mire haath ko jhaTak dena
mujhe pata hai ta.alluq ye aam sa hai bas
khaḌi hui huun kinare chanab ke sar-e-sham
bhanvar bhanvar miri ankhon men ghumta hai bas
kiya jo ghaur to har-samt nachti thi aag
mujhe laga tha mira ghar hi jal raha hai bas
hamare paas nahin ‘sa.adiya’ koi rasta
hamare paas yahi ek rasta hai bas
Leave a Reply