Badan Se Puri Aankh Hai Meri

jaao ja-namaz se apni pasand ki dua utha lo

har rang ki dua main maang chuki

baghban dil ka biij tere paas bhi na hoga

dekh dhuen men aag kaise lagti hai

mere pairahan ki tapish mitti kaise jalati hai

badan se puuri aankh hai meri

nigah jotne ki zarurat hi kya padi hai

meri barishon ke tiin rang hain

tuuti kaman pe ek nishan khata ka pada hai

ham chahen to suraj hamari roti pakae

aur ham suraj ko tandur karen

faisla chuka diya khata apni bhuul gae

nazr karne aae the chutki bhar aankh

aankh teri galiyon men to bazar hain

zamin aankh chhod kar samundar men so rahi

jangal to sirf talash hai

ghar to kaenat ke pichhvade hi rah gaya

shikar kaman men phans phans kar mara

tum kaise shikari

ankhen tevaron se jal rahi hain

jism zindagi ki mulazmat men hai

tanhai kashkol hai

ham ne ankhon se shamshir khinchi

aur rukhsat ki tasvir banai

raat god men sulai

aur chand ka juuta banvaya

ham ne raah men apne pairon ko jana

Leave a Comment