Arman Najmi
tah-e-aflak hi sab kuchh nahin hai
zamin ki ḳhaak hi sab kuchh nahin hai
ka.i sachcha.iyan hain mavara bhi
had-e-idrak hi sab kuchh nahin hai
dil-o-jan ki bhi nisbat hai junun se
qaba-e-chak hi sab kuchh nahin hai
ye gul buuTe bahut dilkash hain lekin
sar-e-poshak hi sab kuchh nahin hai
abhi hai ibtida mashq-e-sitam ki
lab-e-saffak hi sab kuchh nahin hai
Leave a Reply