Abdul Ahad Saaz
saval ka javab tha javab ke saval men
giraft-e-shor se chhute to khamushi ke jaal men
bura ho aine tira main kaun huun na khul saka
mujhi ko pesh kar diya gaya miri misal men
baqa-talab thi zindagi shifa-talab tha zakhm-e-dil
fana magar likhi gai hai bab-e-indimal men
kahin sabat hai nahin ye kaenat hai nahin
magar umid-e-did men tasavvur-e-jamal men
qadim se hate to ham jadid men ulajh gae
nikal ke gardish-e-falak se mausamon ke jaal men
Leave a Reply