Kaif-E-Safar Ab Apna Hasil

kaif-e-safar ab apnā hāsil

kaisā jaada kaisī manzil

aaj kī duniyā diid ke qābil

āñkheñ raushan dil hai ġhāfil

hosh rahe to koī batā.e

kaun thā rahzan kaun thā qātil

mauj-e-vafā ko DhūñDh rahā huuñ

dariyā dariyā sāhil sāhil

pahle-pahal tūfān-e-tamannā

tark-e-tamannā āḳhirī manzil

naqsh-e-qadam se tere raushan

jaada jaada manzil manzil

Leave a Comment