Sahir Dehlavi
is jism ki hai panch anasir se banavaT
aql-o-dil-o-pindar ki saari hai bunavaT
hain hafiza idrak tamiz aur taḳhayyul
afa.ali-o-ilmi ḳhamasat us ki sajavaT
ta.amir jin ajza se hui ḳhana-e-tan ki
hai jaan se un sab ki numudar dikhavaT
aate hue is tan men na jaate hue tan se
hai jan-e-makin ko na lagavaT na rukavaT
insaf ki mizan men use tol to ‘sahir’
sab sach hai nahin jhuuT ki kuchh us men milavaT
Leave a Reply