Poet
tadbir men yaaro nahin taqsir tumhari
taqdir miri ho ga.i tadbir tumhari
kya mar ga.e zindan men asiran-e-mohabbat
avaz nahin deti hai zanjir tumhari
tum aan ke samjhao mire dil ko to shayad
kar jaa.e nasihat koi tasir tumhari
rahti hai pareshan jo sarasar ye hamesha
kis pech men hai zulf-e-girah-gir tumhari
jab dad-e-suḳhan milti tumhen hazrat-e-‘arif’
sunta jo ghazal aaj ko ye ‘mir’ tumhari
Leave a Reply