Pandit Daya Shankar Naseem Lakhnavi
ḳhum na ban kar ḳhud-gharaz ho ja.iye
misl-e-saghar aur ke kaam aa.iye
abr-e-rahmat sunte hain naam aap ka
ḳhaksaron par karam farma.iye
aap ahu-chashm hain aahu nahin
ham se vahshat ki na liije aa.iye
sabr ruḳhsat ho to jaane dijiye
be-qarari aa.e to Thahra.iye
jauhar-e-tegh-e-nigah khul ja.ega
munh na mere zaḳhm ka khulva.iye
dil men hai dikhla.iye tasir-e-ishq
ThanDi sanson se unhen garma.iye
sard aahen bharte hain jab ham ‘nasim’
kahte hain vo ThanDe ThanDe ja.iye
Leave a Reply