taḌapte dil ko kaafi hai bas itna vahima rakhna
bichhaḌne vaala lauTega hamesha hausla rakhna
chale ja.enge ham bhi dosto duniya-e-fani se
faqat itni guzarish hai dua ka silsila rakhna
ki ham bad-baḳht logon men bas ik ye hi bura.i hai
dua.en der se lagti hain jaani hausla rakhna
tumhen ḳhushiyan mubarak hon hamare gham ziyada hain
tumhen talqin hai utni ki ham se fasla rakhna
ki paani jitna gadla ho bujha deta hai atish ko
hamare jaison se bhi yaar thoḌa vasta rakhna
bichhaḌ kar tum kahin milna to hans kar baat kar lena
ba-juz is ke nahin koi hamen bhi rabta rakhna
Leave a Reply