Hayat Amrohvi
jab un ki nigah-e-sitam dekhte hain
to aalam ko ja-e-alam dekhte hain
ho ik aa.ina aa.ine ke muqabil
vo zulfon ke jab pech-o-ḳham dekhte hain
chale ja.enge kyon jhaḌakte ho sahab
tumhari nigah-e-karam dekhte hain
nigahen tumhari hain ankhen tumhari
tumhin ho jise dil se ham dekhte hain
ḳhabar tak nigahon ko hoti nahin hai
‘hayat’ is tarah un ko ham dekhte hain
Leave a Reply