Poet
jis ko paas us ne biThaya ek din
us ko duniya se uThaya ek din
vasl ki shab dekhte us maah ko
saal men bhi vo na aaya ek din
sub.h-e-naumidi hamari shab ki hai
umr guzri vo na aaya ek din
kaam men mere hamesha yaar ne
ek saa.at ka lagaya ek din
misl-e-barq ik shab hansaya aap ne
abr ki surat rulaya ek din
yad-e-zulf-o-ruḳh men bhule ḳhvab-o-ḳhur
ek shab so.e na khaya ek din
vo tap-e-larza ka daura ho gaya
ek din aaya na aaya ek din
yaad jis ḳhurshid-ru ki hai ‘vaqar’
bhuul kar bhi vo na aaya ek din
Leave a Reply