miri raat mera charagh meri kitab de
mira sahra bandh le paanv se mujhe aab de
mire nukta-dan tira fahm apni misal hai
main huun ek saada saval koi javab de
miri chashm-e-nam kisi ratjage men ulajh gai
miri niind odh le raat bhar mujhe khvab de
mire goshvare men kaun bharta gaya lahu
ai miri talab mujhe har ghadi ka hisab de
mire bahr o bar ko samet le mire kuza-gar
mujhe an-kahi mujhe agahi ka azaab de
Leave a Reply