Sardar Panchhi
taḌapne ki ijazat jazba-e-bismil se milti hai
jo dil mushtaq ho to phir zara mushkil se milti hai
vo haq sach ki ibarat paḌhne se mahrum rahte hain
ki jin ko raushni ki lau ruḳh-e-batil se milti hai
mujhe zinda jala.e tujh ko bhi zinda hi dafna.e
mire qatil ki fitrat bhi tire qatil se milti hai
chakori dekh le tu bhuul jaa.e chand ko takna
dil-e-muztar ko jo taskin kaale til se milti hai
ye donon juḌvan bhaa.i hain nahin is men shub.h kyunki
mire mansab ki surat bhi mire qatil se milti hai
kisi attar se milna to ‘panchhi’ hai bahut mushkil
jo dil-avez ḳhushbu husn ki mahfil se milti hai
Leave a Reply