jab kisi ne haal puchha ro diya
chashm-e-tar tu ne to mujh ko kho diya
daagh ho ya soz ho ya dard-o-gham
le liya khush ho ke jis ne jo diya
ashk-rezi ke dhadalle ne ghubar
jab zara bhi dil pe dekha dho diya
dil ki parva tak nahin ai be-khudi
kya kiya phenka kahan kis ko diya
kuchh na kuchh is anjuman men hasb-e-hal
tu ne qassam-e-azal sab ko diya
kisht-e-duniya kya khabar kya phal mile
tukhm-e-gham ham ne to aa kar bo diya
ye bhi nasha mai-kasho kuchh kam nahin
de na de saaqi pa tum samjho diya
‘shad’ ke aage bhala kya zikr-e-yar
naam idhar aaya ki us ne ro diya
zumra-e-ahl-e-qalam men likh ke naam
khud ko nahaq ‘shad’ tu ne kho diya
Leave a Reply