Farogh Zaidi
har kisi ki hai zabani dosti
kya kisi ki azmani dosti
the musafir do alag raston ke ham
ho ga.i bas na-gahani dosti
DhunDhta hai har rifaqat men na.i
dil hamesha ik purani dosti
dafn hai siine men mere aaj bhi
us ki meri an-jahani dosti
doston ko dil dukhana aa gaya
aa ga.i ham ko nibhani dosti
kuchh to teri bhi ḳhata hogi ‘farogh’
gar hui hai sargirani dosti
Leave a Reply