Khwahish

khvahishen kam nahin hongi

jo tum chaho to aazma lo

sansen thamti nahin hain khvabon ki

chahe jahan bhi dafna lo

main tujh men tujh sa hi huun kahin

zara DhunDho zara jaano

phir tum faisla lena

ki chhodoge ya apna lo

kahoge kuchh na tum ham se

chalo is baat ko maana

par khud se to na yuun rutho

ya sikho bhi manana

rahunga main to yahin kahin

tere daman ka aansu huun

khushi men yaad tum karna

gham ko ab aur na paalo

sansen thamti nahin hain khvabon ki

chahe jahan bhi dafna lo

chaloge mujh sang ab na tum

kahan aata hai nibhana

par khud ke saath to thahro

suno pichhe nahin aana

tum mujh ko janoge ek din

yaqin ye khud ko dila lo

ye vaqt samjha ke rahta hai

chahe kitna bhi tum taalo

sansen thamti nahin hain khvabon ki

chahe jahan bhi dafna lo

Leave a Comment