Andaz Wo Nahin Hai Ab Wo Ada Nahin Hai

andāz vo nahīñ hai ab vo adā nahīñ hai

pahlā sā bāñkpan to tujh meñ rahā nahīñ hai

kyuuñ saañs ghuT rahī hai kyuuñ muztarib hai dil bhī

shāyad khulī fazā meñ taaza havā nahīñ hai

tanqīd kar rahā hai kuchh is adā se mujh par

jaise ki is jahāñ meñ merā ḳhudā nahīñ hai

hai ishq naam merā dil hai maqām merā

is ke sivā jahāñ meñ merā patā nahīñ hai

Leave a Comment