Ghulam Murtaza Rahi
ta.abiron se band qaba-e-ḳhvab khule
mujh par mere mustaqbil ke baab khule
jis ke hathon badban ka zor bandha
usi hua ke naḳhun se girdab khule
us ne jab darvaza mujh par band kiya
mujh par us ki mahfil ke adab khule
rahi hamesha gahra.i par miri nazar
bhed samundar ke sab zer-e-ab khule
dil ke siva vo aur kahin rahta hai agar
koi to darvaza dar-e-mehrab khule
Leave a Reply