Zafar Iqbal Zafar
zindagi ko sho.abada samjha tha main
pattharon ko aa.ina samjha tha main
dhuup ki yurish thi har ik samt se
saya-e-divar se lipTa tha main
a.ine hi a.ine the har taraf
phir bhi apne aap men tanha tha main
hadson se khelne ke bavajud
aaj bhi vaisa huun kal jaisa tha main
roz zaḳhmi hota tha mera badan
pattharon ke shahr men rahta tha main
umr-bhar apne ta.aqub men ‘zafar’
apne hi saa.e se bas uljha tha main
Leave a Reply