Gham Tera Aankh Ke Pani Se Nikal Aaya Tha

ġham tirā aañkh ke paanī se nikal aayā thā

dard phir apnī fishānī se nikal aayā thā

us ne hañste hue pūchhā thā sitamgar kā patā

aur tirā naam ravānī se nikal aayā thā

apnī āñkhoñ meñ jahāñ bhar kī udāsī le kar

ek kirdār kahānī se nikal aayā thā

ishq to chāragarī māñgtā hai is liye zaḳhm

ruuh kī resha-davānī se nikal aayā thā

maiñ ne jab us se kahā maiñ bhī to huuñ dekh mujhe

vo mirī yād-dahānī se nikal aayā thā

Leave a Comment