Irfan Siddiqi
jaan se guzre bhi to dariya se guzarenge tumhen
saath mat chhoḌna ham paar utarenge tumhen
tum suno ya na suno haath baḌhao na baḌhao
Dubte Dubte ik baar pukarenge tumhen
dil pe aata hi nahin fasl-e-tarab men koi phuul
jaan, is shaḳh-e-shajar par to na varenge tumhen
khel ye hai ki kise kaun siva chahta hai
jiit jaoge to jaan nazr guzarenge tumhen
kaisi zeba.i hai jab se tumhen chaha ham ne
aur chahenge tumhen aur sanvarenge tumhen
ishq men ham koi da.ava nahin karte lekin
kam se kam marka-e-jan men na harenge tumhen
Leave a Reply